Gripi i derrave mbërrin në Maqedoni Ministria e Shëndetësisë e Maqedonisë ka vërtetuar infektimin e
një katërvjeçari me virusin H1N1 apo të ashtuquajturin “Gripi i
derrave”. Pacienti, të cilit i janë bërë analizat e para dhe që kanë
rezultuar pozitive, kishte udhëtuar këto ditë nga Australia drejt
Maqedonisë. Por, ministri Shëndetësisë, Bujar Osmani
deklaroi se konfirmimi i saktë për këtë rast do të bëhet pas analizave
të bëra në një institute prestigjioz të Londrës.
“Rezultatet e para të analizave tregojnë praninë e virusit tek fëmija.
Janë ndërmarrë të gjitha masat për të pasur nën kontroll këtë rast”, ka
deklaruar ministri Osmani.
Deri më tani në Maqedoni janë hospitalizuar mbi 10 persona me dyshime
se janë të infektuar nga virusi H1N1, mirëpo të gjitha rastet kanë
rezultuar negative, përveç infektimit të katërvjeçarit që kishte
udhëtuar nga Australia. /LHG/