Shitet Bugatti Veyron #001

Në një sallon të automjeteve në Beverly Hills shitet Veyroni i parë i prodhuar. Sa e ka çmimin? E po, nëse pyesni, a e dini si thonë: "nuk i keni aq para sa duhet". Në fakt, shitësi për të kërkon 2.399 milionë dollarë, apo me para tona 1.72 milionë euro dhe gjoja ka vetëm 640 kilometra të kaluara.

Duke marrë parasysh se për një Veyron të ri duhet të ndahen rreth një milionë euro, pronari qartazi dëshiron të fitojë bukur majmë. Po të mos kjo farë krize ai do t’ia vendoste çmimin edhe më të lartë për modelin e parë të 300 të modeleve të para të prodhuara. Në fakt, aq edhe është kufizuar seria kupe e Veyronit.

Sa për rikujtim, Veyron futet në lëvizje nga motori 8.0 W16 me katër turbo-mbushës me 1001 kuaj fuqi dhe ka momentin më të madh të rrotullimit prej 1250 Nm. Shpejtësinë deri në 100 kilometra në orë ky automjet e arrin 2.5 sekonda, derisa atë maksimale e ka 407 kilometra në orë.