Gazimestan: Serbët po kremtojnë qetë Vidovdanin Në
Gazimestan, afër Prishtinës serbët nga Kosova dhe Serbia kanë festuar
në mënyrë të qetë festën e Vidovdanit. Të pranishëm në këtë manifestim
ishin disa ministra të Qeverisë së Serbisë të cilët kanë hyrë dje në
Kosovë. Hyrja e tyre në vendin tonë është bërë pasi që
Qeveria e Kosovës kishte dhënë pëlqimin që ata të qëndrojnë sot në
Kosovë, ndërkohë që Policia e Kosovës po bën përcjelljen e kësaj
ngjarje dhe deri më tani nuk ka asnjë problem.
Ndryshe, delegacioni i Qeverisë serbe të shtunën ka marrë pjesë në
liturgjinë në Manastirin Graçanica, me ç’rast ministri Bogdanoviq ka
thënë se nga kremtja e sivjetme e Vidovdanit dëshiron të dërgojë
mesazhin e paqes dhe kompromisit duke porositur se kjo është “kohë e
sakrificës për Serbinë e pasur në kuptimin shpirtëror e material”.
Ndërkohë incidenti i cili ka ndodhur dje kur në Leposaviq është ndaluar
eskorta e automjeteve në përcjellje të ministrit të Qeverisë serbe,
Goran Bogdanoviq, ka nxitur vëmendje të madhe në opinion. Sot për atë
ngjarje po flitet me të madhe me që video incizimi është emetuar nëpër
shumë media. /LHG/