Ronaldo: Ne mbesim të qetë dhe të durueshëm

SPORT AKTUAL



Ronaldo: Ne mbesim të qetë dhe të durueshëm

Humbja e parë e Realit të Madridit në kampionatin spanjoll ndaj Sevilës, edhe më tutje është njëra nga temat kryesore në mediat spanjolle. ...
Postuar: 13:05:02 / 06.10.2009


Rreth kësaj humbje ka folur edhe ylli i skuadrës, Kristiano Ronaldo, i cili për shkak të lëndimit mungoi në këtë sfidë. "E kam shikuar ndeshjen së bashku me familjen time dhe sinqerisht kam vuajtur shumë", ka thënë portugezi për të përditshmen spanjolle "AS" nga vendlindja e tij, ku është duke u përgatitur së bashku me pjesën tjetër të skuadrës kombëtare të Portugalisë për ndeshjet kualifikuese të Botërorit 2010 ndaj Hungarisë dhe Maltës. "Tifozët tanë duhet ta dinë se ne do të vazhdojmë të punojmë pareshtur dhe do të mundohemi të fitojmë në secilën ndeshje të radhës. Sigurisht se humbja ndaj Sevilës nuk do të na demoralizojë dhe ne nuk do të dorëzohemi. Ne mbesim të qetë dhe të durueshëm, ngase pikët numërohen në fund të edicionit", ka theksuar në mënyrë filozofike Ronaldo. Pas gjashtë javëve të zhvilluara në kampionatin spanjoll Barcelona kryeson renditjen me 18 pikë, derisa Reali i Madridit zë pozitën e dytë me 3 pikë më pak.