Politika shqiptare certifikon zgjedhjet

Politika shqiptare certifikon zgjedhjet

Kryeministri Sali Berisha.

Si
kurrë më parë kryeministri Sali Berisha, lideri i PS-së Edi Rama dhe
kreu i LSI-së Ilir Meta dolën secili në konferenca për shtyp ku
vlerësuan procesin elektoral.Berisha përshëndeti
përfaqësuesit e të gjitha forcave politike që menaxhuan më së miri
procesin. Të njëjtën gjë bëri edhe lideri i Partisë Socialiste Edi
Rama. Ai i cilësoi zgjedhjet si të rregullta.

“Pavarësisht një sërë parregullsish të vogla të shpërndara në të gjithë
Shqipërinë u realizua një proces zgjedhor demokratik për të cilin
përgëzoj qytetarët e Shqipërisë”, deklaroi lideri opozitar duke iu
përafruar deklaratës së kryeministrit.

Edhe kreu i Lëvizjes Socialiste për Integrim u shpreh me nota krejt pozitive për procesin e deritanishëm.

Mirëpo, të tre krerët e partive kryesore, kryeministri Berisha, lideri
socialist Rama e kreu i LSI-së Meta, kanë kërkuar nga policia dhe
institucionet e tjera që merren dhe ruajtjen e kutive zgjedhore dhe
procesin e numërimit, që të tregohen të kujdesshëm në transportimin e
kutive të votimit e më pas në fazën e numërimit të votave. /gazeta
start/