NDËRKOMBËTARËT: ZGJEDHJET MARRIN EDHE NOTA TË DOBËTA

NDËRKOMBËTARËT: ZGJEDHJET MARRIN EDHE NOTA TË DOBËTA




Raporti i misioneve vëzhguese ndërkombëtare për zgjedhjet
parlamentare në Shqipëri, nisi me një deklaratë që stimulonte shpresën
se zgjedhjet ishin të qeta dhe të rregullta, të paktën siç u pa në
pamje të parë, por precipitoi në një lumë kritikash edhe më të forta se
në procesin e mëparshëm elektoral.



Volfgang Grosrik,
zëvendëspresident i OSBE-së, ka lexuar deklaratën në emër të të gjitha
misioneve vëzhguese ndërkombëtare për zgjedhjet parlamentare në
Shqipëri nga Këshilli i Evropës, NATO dhe OSBE për mes ODIHR-it.

Sipas
tij, zgjedhjet për 140 deputetët e rinj në Kuvendin e Shqipërisë,
shënuan progres të prekshëm ndryshe nga më parë ku procesi ishte burim
polemikash.

Grosrik vlerësoi që në fillim, gatishmërinë e
autoriteteve shqiptare për të pranuar vëzhguesit e huaj duke u krijuar
atyre edhe një akses të plotë duke shtuar se u konstatua edhe mikpritje
nga shqiptarët.

“Dita e zgjedhjeve ishte e qetë dhe pa incidente”, thuhej në raportin që lexoi z. Grosrik.

“Në përgjithësi, vëzhguesit tanë e konsideruan procesin e votimit të qetë, në shumicën e qendrave të votimit ku ata shkuan”.

“Megjithatë
ata konstatuan probleme si hapja me vonesë e disa qendrave të votimit,
votimi familjar dhe boja që fshihej shpejt”, - vijonte raporti.
Më tej, raporti vlerëson se procesi i mbledhjes dhe transportimit të kutive të votimit ishte i rregullt dhe pa probleme.

“Vlerësimi përfundimtar do të varet nga ecuria e fazave të tjera të procesit zgjedhor që ne po i vëzhgojmë me kujdes”